Projekti për Mbrojtjen e Deltës së Bunës mbështetet nga Fondacioni MAVA me qëllim sigurimin e ruajtjes afatgjatë të llojeve dhe habitateve në Peizazhin e Mbrojtur Lumi Buna Velipojë (PMLBV) me theksin e veçantë në ndalimin ose reduktimin e dukshëm të zhvillimit të paqëndrueshëm dhe shpërdorimit të ujit. Faza e parë është planifikuar për 2017-2020, me një fazë të mundshme të dytë për 2020-2022. Në mënyrë që të trajtohen këto kërcënime nga viti 2022, do të zbatohet një plan veprimi i cili përfshin njohuritë dhe ndërgjegjësimin, zhvillimin e kapaciteteve dhe masat e bazuara në zonë, si edhe qeverisjen e përmirësuar për zonën.
Veprimtaritë e projektit do të priren të reduktojnë ndjeshëm ose të eleminojnë kërcënimet të cilat ndikojnë aktualisht PMLBV. Ndërhyrja e siguruar nga projekti do të punojë në drejtim të zhvillimeve të ligatinave me vlerë të lartë në mënyrë që të ndalohet degradimi i mëtejshëm i habitateve. Për më tepër, projekti i paraprin restaurimit të ligatinave të dëmtuara dhe habitateve bregdetare. Në mënyrë që të trajtohen çështjet socio-ekonomike dhe mirëqenia e njerëzve, do të promovohen turizmi i qëndrueshëm dhe praktikat e përdorimit të tokës. Objektivi është të lidhen veprimtaritë ekonomike të zonës me habitatet e ruajtura bregdetare dhe ligatinore, të cilat do të mbështeten nga një skemë granti e projektit.
Projekti për Mbrojtjen e Deltës së Bunës është pjesë e iniciativës gjithëpërfshirëse (OI3) e mbështetur nga Fondacioni MAVA, me synimin për të rritur ndërgjegjësimin ndaj vlerës së Ligatinave Bregdetare.
Strategjitë e hartuara posaçësisht për PMLBV do të bëjnë të mundur arritjen e rezultateve të mëposhtme siç identifikohen në Vargun e Rezultateve:
