Partnerët e projektit Living Buna kanë kënaqësinë të ndajnë rezultatet e thirrjes për propozime! Pasi vlerësuan me kujdes 33 aplikimet e marra, anëtarët e bordit kanë zgjedhur tetë prej tyre për t´i financuar. Të propozuara si nga organizatat ashtu edhe individët, këto ide do të sjellin dobi për zhvillimin e qëndrueshëm socio-ekonomik dhe restaurimin e ekosistemit në Peizazhin e Mbrojtur Lumi Buna Velipojë. Veprimtaritë e tyre do të financohen si pjesë e fazës II të projektit Living Buna, të financuar nga Fondacioni MAVA. Më poshtë mund të gjeni listën e propozimeve fituese, ideatorët e të cilëve janë kontaktuar dhe kanë konfirmuar angazhimin e tyre. 

Shprehim përgëzimet tona ndaj fituesve të grantit dhe presim me padurim për zbatimin e suksesshëm të ideve të tyre për të sjellë përfitime për ruajtjen e llojeve dhe habitateve përgjatë Lumit Buna në periudhën afatgjatë, dhe për rrjedhojë, për komunitetin e zonës. 

1. Federata e Pyjeve dhe Kullotave, Rrethi Shkodër: Restaurimi i habitateve natyrore dhe i infrastrukturës dhe zbatimi i skemave agro-mjedisore
2. Aarhus Information Center Shkodër: Menaxhimi i mirë i ujit në zonën e mbrojtur të njësisë administrative të Dajçit
3. Projekti Mandarina: EDU BUNA, Të Mësuarit, të Dashurit dhe të Jetuarit e Ekoturizmit, Edukimi i Turistëve në bërjen e zgjedhjeve të përgjegjshme të udhëtimeve
4. Kristian Gjuraj: Përdorimi i qëndrueshëm i burimeve ujore në bujqësi 
5. Samela Vata: “Farm 3B” Bujtinë – Vrojtim i shpendëve (Bed- Breakfast- Birdwatching)
6. Anton Marashi: Përdorimi i qëndrueshëm i burimeve ujore në bujqësi 
7. Arben Ujka: Përdorimi i qëndrueshëm i burimeve ujore
8. Shoqata e Përdoruesve të Burimeve Natyrore, Mjedis - Pyje, Kullota "Cukali": Rehabilitimi i habitateve natyrore dhe infrastrukturës në shërbim të turizmit të qëndrueshëm